Tibb e Masumeen
Aik shaks Imam Ali Raza AS k paas aya aur kaha jab mein bahar jata hun to dusrey muqamat ka paani meri sehet pe bura asar krta hai.Imam n...
https://www.qummi.com/2020/07/tibb-e-masumeen.html
Aik shaks Imam Ali Raza AS k paas aya aur kaha
jab mein bahar jata hun to dusrey muqamat ka
paani meri sehet pe bura asar krta hai.Imam ne
mashwara dya: Apni jaga ka paani aik burtan men
saath le jao aur usey khali na hone do. Jb is men
thora sa paani baqi bach jaey to doosri jaga ka
paani is men mila lya jaey. Is tarah tmhari jaga k
paani k asraat akhir waqt tk baqi rahen gey
chahey is men 50 mukhtalif muqamat ka paani
kyon na milaya jaey ---- (Tib e imam Ali Raza
AS Pg 10)
Jo shaks chahey k usey naaf ki shikayat na ho
isey chahiye k jab sir men tail daaley naaf men
bhi laga lya karey
Jo shaks chahey k is ka badan halka phulka rahey
aur ziada motapa na charhey aur buht gosht na
barhey isey chahiye k raat ka khana kam kardey
Jo chahta hai k us k naakhun na phaten aur bud
soorat na hon isey cahiye k siwaey jumiraat k aur
kisi din naakhun na katwaey.
Jo shaks chahey k usey sardi mein zukam na ho
wo 3 chamchey shehed rozana pi liya karey.
Nargis k phoolon ko soonghney se bhi zukam
nahi hoga.
Jo shaks chahey k us k kaan mein kabhi dard na
ho usey chahiye k sotey waqt kaan mein rooee
rakh liya karey ----Tib e imam Ali Raza AS Pg 24
jo shaks ye chahey k us k daant kharab na hon
isey chahiye k meethi cheez khaney se pehley roti
ka rookha tukra kha lya karey
Jo shks yarqan se bachna chahey usey chahiye k
garmi k mosam mein jab kisi makan ka darwaza
kholey to forun is mein daakhil na ho aur sardi k
mosam mein jab kisi bund makan ka darwaza
khuley to forun bahar na nikley.
Jis shaks ko ye manzoor ho k us k kaan na
bahen usey chahiye k jab koi meethi cheez khaey
sirkey se ghararey kar lya karey -------Tib e
imam Ali Raza AS Pg 25
Jin gosht aur machlion mein namak laga kar
sukha diya jata hai in ka khana khujli paida karta
hai.
Ziada andey khaney sey mun par chayan paida ho
jaati hain.
Yaad rakhna k maidey mein aik waqt mein andey
aur machli jama na hon. Kyon k jab insan mein in
ka ijtama hota hai to qolanj, bawaseer aur daarh
ka dard paida hota hai. --------Tib e imam Ali
Raza AS Pg 26
Neem barasht (half fried or boiled) andey khaaney
se dama paida hota hai.
Shikaari chopaayon (animal having 4 legs) ya
gaaey (cow) ka gosht ziada khaaney se aqal mein
fatoor paida hota hai, zehen bhadda ho jaata hai
aur bhool paida ho jaati hai.
Doraan-e-ayaam-e-haiz aurat se jama (sex)
karney se aulaad mein marz e jazaam(korh) paida
hota hai. Jamaa k forun baad peeshaab na karney
se pathri paida hojati hai. Jama k baad ghusal
kiay baghair doosri martaba jama karney se
aulaad main junoon paida hojata hai.
Bharey pait hamam jaaney se qolanj paida hota
hai aur Machli kha kar thandey paani se ghusal
karney se faalij paida hota hai-----Tib e imam Ali
Raza AS Pg 27
Hazrat Ali AS ne farmaya: Mujhey Rasul Allah
(S.A.W) ne bataya hai k “Aik din aik martaba
khana khaya karo aur doosrey din do martaba (2
din mein 3 martaba) aur khana is andaaz se ho k
na kum na ziada aur kuch bhook baaqi rehney par
chor dena chahiye.-----------Tib e imam Ali
Raza AS Pg 29
Jis shaks ko nahaney mein dard e sar hota hai wo
nahaney se pehley 5 ghoont garam paani k pi ley
to inshallah dard e sar nahi hoga.
Munasib hai k jab jama (sex) ka irada ho to raat k
aakhri hisey ko karey k is se jisam ki bhi islaah
hoti hai aur aulaad paida honey ki ziada umeed
hai aur jo aulaad Khuda ko deni manzoor hai wo
aqeel bhi hogi. Awal shab jama krne se qolanj,
faalij, laqwa aur pathri paida honey ka qawi
andesha hai. -----------Tib e imam Ali Raza AS
Pg 32
Jo shaks khaalis shehed ko soonghey ga usey
pyaas forun maaloom hogi. Agar soonghney se
shidat ki garmi maloom ho to wo qisam zehr e
Qaatil hai. ----------- Tib e imam Ali Raza AS Pg
41
Quran parhney, shehed khaaney aur doodh peeney
sey se haafiza (memory) barhta hai. -----------
Tib e imam Ali Raza AS Pg 44
4 cheezein dil ko sakoon deti hen
1.Shehed khana
2.Khushboo lagana
3.Sawari karna
4.Sabza (greenery) dekhna
Paichish (loose motion) k liay Akhrot bhoon kar
cheel kar khao.
Injeer khana dard e qolanj (collic) men buhat
mufeed hai. Is se mun ki gandagi jaati rehti hai,
ganjey badan par baal paida ho jaatey hen, tarah
tarah k dard jaatey rehtey hen aur hadiyan (bones)
mazbut ho jaati hen. ----------- Tib e imam Ali
Raza AS Pg 45
Tool-e-umer k liay acha khana khana, achi jooti
pehnna, Qarz se bachna aur kasrat-e-jama se
parhez karna mufeed hai.
Jab tak mumkin ho tabeeb se rujoo na karo
kyunkey jism k ilaaj ki misaal makaan ki taameer
jaisi hai. Jahan is ko chera aur tool pakra.
Khaney ki ibtada namak se karni chahiye kyunkey
is se 70 beemaarion se hifazat hoti hai jin men
jazaam bhi hai.
Khana thanda karkey aur pyaley k kinarey se
khana chahiye. -----------Tib e imam Ali Raza
AS Pg 46
Yaqoot-e-zard ki anghooti jo shaks pehney ga wo
kabhi faqeer na hoga. Ye gham ko door karta hai,
dushman maghloob rehtey hen aur beemari se
hifazat karta hai.
Mard ko khushbu chorni munasib nahi hai. Behtar
to ye hai k har roz lagaey. Agr is par qudrat na
rakhta ho to aik din k baad lagaey. Agr ye bhi
mumkin na ho to juma k din zaroor lagaey.
Jo koi sotey waqt ayatul kursi parh ley wo faalij
se mehfuz rahey ga.
Jis shaks ko sar men itni sardi lagti ho k
mehsoos ho k hawa lagey gi to ghash aa jaega
wo khaney k baad naak men roghan-e-anbar aur
roghan-e-chanbeli tapka lya karey.
Masoor 70 Anbiaa (prophets) ki pasandeeda
khoraak hai. Is se dil narm hota hai aur aansoo
bantey hen. ----------- Tib e imam Ali Raza AS
Pg 47
Jo koi jo ki roti khaega us k pait men dard baaqi
nahi reh sakta. -----------Tib e imam Ali Raza
AS Pg 49
Jis chashmey ka rukh mashriq ki simt hoga is ka
paani nahayat saaf aur sehat k liay intehai faida
mund hoga.
Jumay k din naakhun kaatney se ghurbat aur
faqeeri door hoti hai. ----------- Tib e imam Ali
Raza AS Pg 51
Agr peeshab na teherta ho aur barabar qatra aata
ho to thora sa asfand (kala dana) le kar 6 martaba
thandey paani se aur 1 martaba garam paani se
dho daalo phir saaey men sukha kar roghan-e-
gul men churb kar k safoof bana kar phaank lo.
----------- Tib e imam Ali Raza AS Pg 52
Khuda se rozi sadqa de kar maango. Khuda tarsi
aur parosion k saath acha salook karney se maal
men ziaadti hoti hai. ----------- Tib e imam Ali
Raza AS Pg 53
Insan k jism men aik rug hai jis ka naam isha hai.
Jb koi raat ko khana nahi khata aur paani nahi
peeta to ye rag bud dua karti hai aur subah tak
yehi kehti rehti hai k Khuda tujhey sair o sairaab
na karey k tu ne mujhey bhooka pyasa rakha hai.
Agar shehad ko ghiza ka musatqil hisa bana len
to jigar ki kisi takleef ki nobat nahi aaegi.
Khoon ki safai aur naey khoon ki paidaaish k liay
naashtey men shehad k istamaal ko maamool
bana len.
Khaney k baad taqreebun aik chota chamcha
(kitab men di gae miqdaar k mutabiq aaj kal ka
aik chamcha) shehad khalis rozana istemaal
karney se joron ka dard door ho jata hai.
Subah k waqt aik pyali garam pani men aik
chamcha (chota) shehad ghol kar nihaar mun
peeney se qabz door hojata hai.
Baalon ki sufeedi ka sar k agley hisey se shru
hona salamti aur iqbal-e-bulandi ki daleel hai aur
ruksaaron, daarhi k atraaf se shru hona sakhawat
ki alaamat hai aur gaisuon se shuru hona shujaat
ka nishaan hai aur guddi se shuru hona nahoosat
hai. ----------- Tib e imam Ali Raza AS Pg 54
Agar barkat chahtey ho to khana khaney k liay jab
betho to haath zaroor dholo chahey pehley se saaf
hi kyon na hon.
Ziada kanghi karney se balgham door hota hai.
Dastarkhwaan par jo raizay(zarrey) girtey hen in
ko ikhata karkey khaney se dard-e-kamar ko
aaraam ho jata hai.
Kaala(black) joota pehanney sey beenaai(eyesight)
kamzor ho jaati hai.
Sattoo 70 qisam ki beemarion ko door karta hai.
Maiday ko quwat daita hai, pyas ki ziadti ko door
karta hai aur maiday ko saaf karta hai.
Raat ko surma lagana munafey ka aur din men
lagana zeenat ka sabab hai -----------Tib e
imam Ali Raza AS Pg 55
Parhaiz aur faqa ki hud 14 din hai aur parhaiz se
ye muraad kabhi nahi hai k jis cheez se perhaiz
ho wo mutliqan na khaae jaey balkey ye matlab
hai k kum kum khai jaey.
Jab tandurusti ghalba paati hai to beemaar ko
hosh aata hai aur usey bhook lagti hai. Is liay
munasib hai k jis waqt beemar khana maangey
usey de do shayad is k liay is men shifa ho.
Jab tak tabiat marz ko bardasht kar sakey dawa
se bacho. Allah jab tak marz ka muqarara waqt
pura nahi hota, dawa ko taaseer karney ki
mumaniat farma daita hai. Jab wo waqt pura ho
jata hai dawa ko asar ki ijazat mil jati hai aur isi
dawa se aaraam aa jata hai. Haan ye ho sakta hai
k dua, khairaat ya aur naik kaamon k sabab
Khuda is waqt-e-muqarara men kami kardey aur
dawa ko taaseer ki ijazat mil jaey. ----------- Tib
e imam Ali Raza AS Pg 56
Quran-e-Majeed men har beemari k liay shifa hai.
Munasib hai k tum apney beemaron ka ilaaj
sadqey se karo aur hasool-e-shifa k liay Quran
Majeed parho kyon k jis shaks ko Quran Majeed
se shifa na ho is ko aur kisi cheez se shifa nahi
ho sakti. ----------- Tib e imam Ali Raza AS Pg
57
Mosam-e-sarma men tail ki maalish se riyahi
dard (gas ki beemari) dafa hoti hai. -----------
Tib e imam Ali Raza AS Pg 58
Is josh diay huay paani se jisey 7 martaba josh
diya gya ho aur har martaba bartan badal gya ho
peeney sey bukhaar jaata rehta hai aur paaon aur
pindlion mein quwwat aa jaati hai.
Apney beemaron ko choqandar k patey (leave)
khilao k in men shifa hi shifa hai. In paton ko kha
kar beemar chain se sota hai magar choqandar ki
jar (roots) men nuqsan hai.
Sattoo behtareen khoraak hai. Bhookey ka is se
pait bharta hai aur pait bharey ka khana hazam
hota hai.
Jis shks ki beenaai (eyesight) zaeef ho gae ho
isey laazim hai k sotey waqt 4 silayan daahni
(right) aur 3 silayan baayen (left) aankh men
surmey ki lagaya karey ----------- Tib e imam
Ali Raza A.S. Pg 59
Aolaad ki kami ho to istaghfaar parha karo aur
murgi ka anda pyaaz k saath khaya karo.
Nihaar mun Kharbooza khaney se faalij paida hota
hai.
Kaasni koot koot kar aik kaghaz par phela do aur
is par roghan-e-banafsha chirak kar paishani par
laga do. Is se Bukhar aur dard-e-sar donon door
ho jaen gey. ----------- Tib e imam Ali Raza
A.S. Pg 60
Jis shaks ka nutfa mutaghayar ho jaey yaani
aolaad na hoti ho, is ko chahiye k doodh men
shehad mila kar piya karey.
Injeer mun ki badboo door karta hai, hadyon ko
mazboot karta hai, baal barhata hai, mukhtalif
qisam k dardon ko door karta hai. Injeer khaney k
baad kisi doosri dawa ki zaroorat nahi rehti.
-----------Tib e imam Ali Raza A.S. Pg 61
Har tandurust aadmi haftey men aik baar 24
ghantey ka roza rakhey. Is se maiday ko aaraam
milta hai aur is par ziada bojh nahi parta.
Dimaghi kaam karney walon ko doodh ka istemaal
ziada karna chahiye. Anaaj kam miqdaar men
khaya jaey aur machli, anda, gosht, tarkaariyan
aaur phal waghera ziada. ----------- Tib e imam
Ali Raza A.S. Pg 71
Jo aadmi sirf sabzion aur anaaj pr rehtey hen aur
saada zindagi basar krtey hen in k maidey jald
kharab nahi hotey aur isi liay in ki sehat buht achi
rehti hai. Jo anaaj ya sabzi jis moasam men paida
hoti hai zaroor khao kyon k Qudrat ne aab o hawa
k mutabiq wohi cheez is jaga k rehney waley
insanon k liay kisi hikmat se paida ki hai.aik waqt
men mukhtalif qisam k khaney na khao is se
haazmey men bara farq prta hai. -----------Tib e
imam Ali Raza A.S. Pg 72
Hazoor SAWW ne farmaya:
Aaps men mulaaqaat karo, ilmi muzaakira karo
aur hadeesain bayaan karo kyoon k hadees
bayaan karnay se dil ko zindagi milti hai kyun k
jis tarah talwaar zang aalood ho jaata hai dil bhi
zang aalood ho jaatay hen (Masaail u Shariya
Sanad Yaafta Ayatullah Ali Mishkeeni Tarjuma
Wasaail u Shia Jild 1 Safha 28 Asool e Kaafi
Shekh Yaqoob Kuleni)
Hazrat Ali AS ne farmaya:
Khuda ne momin ko kaafir se dosti rakhnay se
manaa kya hai phir khof o taqqaya men iss par
ahsaan kartay huay zaahiri tor par issay ruksat di
hai k roza rakhay aur iftaar karay to mukhalif ki
tarah, namaaz parhay to uss ki maanind aur amal
karay to uss jaisa. Zaahir men sab waisa karay
lekin baatin men in ummat e muslima par
mussalat mukhalif logon k khilaaf apna deen aur
imaan qaaim rakhay. Allah ne farmaya hai
“mominon ko chaahiye k mominon ko chor’h kar
kaafiron ko apna dost na banaaen aur jo aisa
karay ga Khuda ka uss se koi rabt o ta’aluq nahi.
Magar ye k tum unn se daro aur Khuda tumhain
apni zaat se daraata hai”. Pus ye aik rahmat hai
jo Khuda ne Ahl e imaan par farmaaee hai
(Masaail u Shariya Sanad Yaafta Ayatullah Ali
Mishkeeni Tarjuma Wasaail u Shia Jild 1 Safha
94-95)
Imam Hassan AS ne farmaya:
Qareeb wo hai jissay muhabbat qareeb karay
chaahay us ka nasb door ho aur door wo hai
jissay adaawat door karday chaahay uss ka nasb
qareeb ho (Masaail u Shariya Sanad Yaafta
Ayatullah Ali Mishkeeni Tarjuma Wasaail u Shia
Jild 8 Safha 361 Hadis no 4, Asool e Kaafi Shekh
Yaqoob Kuleni)
Imam Zainul Abideen AS ne farmaya:
Dunya ka muqadas tareen muqaam, hajr e aswad
aur muqaam e ibraheem k darmayan hai. Agar koi
shaks hazrat nooh ki umer rakhay aur iss
muqaam par din ko roza rakhay aur raat ko
Khuda ki ibadat karay magar jab Khuda ki
baargaah men jaaey to iss k naama e aamaal men
hamari wilayat na ho to issay ye itni bari ibadat
faaeda na daigi. (Masaail u Shariya Sanad Yaafta
Ayatullah Ali Mishkeeni Tarjuma Wasaail u Shia
Jild 1 Safha 103 Asool e Kaafi Shekh Yaqoob
Kuleni)
Imam Muhammad Baqir AS ne farmaya:
Jo shaks bari mehnat se Khuda ki ibadat to karay
magar wo Allah k muqarar kiay huay Imam ki
imaamat ka qaail na ho to is ski koi koshish
qabool nahi hai aur wo gumraah hai aur Khuda
uss k amalon ko na pasand karta hai aur agar wo
mar gaya to uss ki moat kufr o nifaaq ki moat
hogi. Wo khud gumraah hen aur doosron ko bhi
gumraah karnay waalay hen (Masaail u Shariya
Sanad Yaafta Ayatullah Ali Mishkeeni Tarjuma
Wasaail u Shia Jild 1 Safha 101 Asool e Kaafi
Shekh Yaqoob Kuleni)
Khuda Uss banday par reham farmaaey Jo
hamaray Zikr ko Zinda karta hai (Masaail u
Shariya Sanad Yaafta Ayatullah Ali Mishkeeni
Tarjuma Wasaail u Shia Jild 8 Safha 344 Hadis no
3)
Baghair Wilayat e Ahlebait, aamaal uss raakh ki
maanind hen k zabardast aandhi waalay din sakht
hawa chalay aur ussay uraa kar le jaaey aur
unhon ne jo kuch kamaya tha iss men se kuch
bhi inn k haath na aaey aur yehi sab se bari
gumraahi hai (Masaail u Shariya Sanad Yaafta
Ayatullah Ali Mishkeeni Tarjuma Wasaail u Shia
Jild 1 Safha 101 Asool e Kaafi Shekh Yaqoob
Kuleni)
Hamari hadeesain dilon ko zinda rakhti hen
(Masaail u Shariya Sanad Yaafta Ayatullah Ali
Mishkeeni Tarjuma Wasaail u Shia Jild 1 Safha 28)
Jo shaks na khuda ko pahchaanat hai aur na
Aema Ahlebait k Imam bar haq ko to Khuda ki
qasam Zalaalat o gumraahi men giriftaar hai aur
ghair Allah ko jaanat hai aur Ghair Allah ki hi
ibadat karta hai(Masaail u Shariya Sanad Yaafta
Ayatullah Ali Mishkeeni Tarjuma Wasaail u Shia
Jild 1 Safha 102 Asool e Kaafi Shekh Yaqoob
Kuleni)
Khudawand e Aalam baroz e Qayamat apnay
bandon k hisaab o kitaab aur unn k muwaakhizay
men itni hi sakhti karay ga jitni uss ne dunya men
unn ko aqal di hogi (Masaail u Shariya Sanad
Yaafta Ayatullah Ali Mishkeeni Tarjuma Wasaail u
Shia Jild 1 Safha 59 Asool e Kaafi Shekh Yaqoob
Kuleni, Imaali Shekh Suduq)
Jis shaks ko kisi amal k bajaa laanay par Allah ki
taraf se sawaab ki umeed ho aur wo shaks Allah
ki taraf se sawaab ki khaatir wo amal bajaa laaey
to uss ko wo sawaab zaroor ataa kar dia jaaega
chaahay wo baat is tarah na ho jis tarah uss tak
puhanchi (Masaail u Shariya Sanad Yaafta
Ayatullah Ali Mishkeeni Tarjuma Wasaail u Shia
Jild 1 Safha 82 Asool e Kaafi Shekh Yaqoob
Kuleni)
Imam Muhammad Baqir AS ne apnay shiyon se
farmaya: Tumharay siwa Khuda k ghar ka koi
haaji nahi hai aur na hi tumharay siwa kisi ka koi
amal qabool hai (Masaail u Shariya Sanad Yaafta
Ayatullah Ali Mishkeeni Tarjuma Wasaail u Shia
Jild 1 Safha 102 Asool e Kaafi Shekh Yaqoob
Kuleni)
Islam k bunyaad 5 cheezon par rakhi gaee.
Namaz, roza, hajj, zakat aur wilayat e Ahlebait. Jis
qadar wilayat ki taakeed ki gaee hai itni kisi aur
cheez ki nahi ki gaee. (Masaail u Shariya Sanad
Yaafta Ayatullah Ali Mishkeeni Tarjuma Wasaail u
Shia Jild 1 Safha 46 Asool e Kaafi Shekh Yaqoob
Kuleni)
Islam ki bunyaadi cheezon Namaz, roza,hajj,zakat
aur wilayat men wilayat sab se afzal hai kyun k ye
sab ki kaleed hai aur jo waali (imam) hota hai wo
in sab ka raahnuma hota hai(Masaail u Shariya
Sanad Yaafta Ayatullah Ali Mishkeeni Tarjuma
Wasaail u Shia Jild 1 Safha 46 Asool e Kaafi
Shekh Yaqoob Kuleni)
Khuda ne baaqi waajibaat men to ruksat di hai
lekin wilayat men koi ruksat nahi. Jis k paas maal
na ho, iss par zakaat nahi, aur jis k paas maal na
ho uss par hajj bhi nahi. Jo beemaar ho wo baith
kar namaaz parhay ga aur iss par khara hona
waajib nahi, issi tarah beemaar par roza rakhna
waajib nahi magar Wilayat e Ahlebait har shaks
par har haal men laazim hai tandurust ho ya
beemaar, maal daar ho ya ghareeb(Masaail u
Shariya Sanad Yaafta Ayatullah Ali Mishkeeni
Tarjuma Wasaail u Shia Jild 1 Safha 49-50 Khisaal
Shekh Suduq)
Tamam amoor ki choti aur unn ki kohaan aur unn
ki chaabi aur sab cheezon ka darwaaza aur Khuda
ki raza, Imam bar haq ki maarifat hai aur iss ki
ataat karna hai (Masaail u Shariya Sanad Yaafta
Ayatullah Ali Mishkeeni Tarjuma Wasaail u Shia
Jild 1 Safha 47 Asool e Kaafi Shekh Yaqoob
Kuleni)
Imam Jaffer Sadiq AS ne farmaya:
Jo shaks iss hasti ki maarifat k baghair jis ki ataat
Khuda ne farz qaraar di hai namaaz parhay, zakaat
day, hajj o umraa bajaa laaey to dar haqeeqat uss
ne koi kaam kia hi nahi(Masaail u Shariya Sanad
Yaafta Ayatullah Ali Mishkeeni Tarjuma Wasaail u
Shia Jild 1 Safha 104 Asool e Kaafi Shekh Yaqoob
Kuleni)
Zaani ki aulaad, yahoodi, Isaai, mushrik aur Islam
k har mukhalif ka jhoota makrooh hai aur sab se
sakht makrooh dushman e ahlebait ka jhoota hai
(Masaail u Shariya Sanad Yaafta Ayatullah Ali
Mishkeeni Tarjuma Wasaail u Shia Jild 1 Safha
161 baab: Har qisam k kaafir ka jhoota najjis hai,
Faroo e Kaafi Shekh Yaqoob Kuleni, Altahzeeb,
Istabsaar)
Jo Sawaal karnay men kamzor ho Uss ka ILM bhi
kamzor hota hai (Masaail u Shariya Sanad Yaafta
Ayatullah Ali Mishkeeni Tarjuma Wasaail u Shia
Jild 8 Safha 424, Asool e Kaafi)
Apnay Gharon men kabootar rakha karo kyun k ye
Imam Hussain AS k qaatilo’n par Laanat karta hai
(Masaail u Shariya Sanad Yaafta Ayatullah Ali
Mishkeeni Tarjuma Wasaail u Shia Jild 8 Safha
320, Faroo e Kaafi)
Shar’i Masla: Imam Jaffer Sadiq o Imam
Muhammad Taqi AS k mutabiq Agar Koi Munkir
Ahlebait , Hajj kar chukka ho aur baad men
Wilayat e Ahlebait AS qabool karay to Uss k liay
mustahab hai k Hajj dobara karay (Masaail u
Shariya Sanad Yaafta Ayatullah Ali Mishkeeni
Tarjuma Wasaail u Shia Jild 8 Safha 72,73, Faroo
e Kaafi Shekh Yaqoob Kuleni, Man La Yahzarul
Faqeeh Shekh Suduq)
Hamari Hadeesain Suno aur Hum (Ahlebait) par
jhoot na bolo. Kyun k Jo Hum par Jhoot bolta hai
wo goya Rasul e Khuda SAWW par jhoot bolta hai
aur Jo Unn par Jhoot bolta hai wo Khuda par
Jhoot bolta hai aur Jo Khuda par Jhoot bolay ga,
Khuda, ussay zaroor azaab karay ga (Masaail u
Shariya Sanad Yaafta Ayatullah Ali Mishkeeni
Tarjuma Wasaail u Shia Jild 8 Safha 468 Hadis No
4, Asool e Kaafi Shekh Yaqoob Kuleni)
Hamaray liay baaes e zaib o zeenat bano.
Hamaray liay baaes e Sharmindagi na bano.
Hamain Logon ka mahboob banaao aur Logon ko
Hum se nafrat na dilaao. Hamari taraf Logon ki
muhabbat khaincho aur Hum se har qisam k shar
aur Fisaad ko door rakho (Masaail u Shariya
Sanad Yaafta Ayatullah Ali Mishkeeni Tarjuma
Wasaail u Shia Jild 8 Safha 337 Hadis no 8 Aakhri
Hisa)
Khuda Uss banday pe reham farmaaey Jo
hamaray mazhab ko Zinda karta hai. Jo shaks
hamara zikr karay ya jis k paas hamara zikr kya
jaaey aur (hamaray masaaib sun kar) uss ki
aankhon se aansoo nikal aaey to Khudawand uss
k gunah maaf kar daiga chaahay samandar k
jhaag k baraabar hi kyun na hon (Masaail u
Shariya Sanad Yaafta Ayatullah Ali Mishkeeni
Tarjuma Wasaail u Shia Jild 8 Safha 344 Hadis no
1)
(Aey Garoh e Shia) khuda se daro aur Allah ki
khushnoodi haasil karnay k liay aik doosray se
muhabbat karo aur sila rehmi karo. Aik doosray
se mulaaqaat karo aur hamaray amr (mazhab) ka
tazkira karo aur ussay zinda rakho (Masaail u
Shariya Sanad Yaafta Ayatullah Ali Mishkeeni
Tarjuma Wasaail u Shia Jild 8 Safha 344 Hadis no
Apnay (Momin) Bhai par andha aetemaad na karo
kyun k buhat dheel dainay ki ghalti ki talaafi nahi
ho sakti (Masaail u Shariya Sanad Yaafta Ayatullah
Ali Mishkeeni Tarjuma Wasaail u Shia Jild 8 Safha
412, Asool e Kafi Shekh Yaqoob Kuleni)
Naasbi (Dushman e Ahlebait) ki jaanib se Hajj nahi
kya ja sakta. Agar Wo tumhara baap hai to phir
kya ja sakta hai (Masaail u Shariya Sanad Yaafta
Ayatullah Ali Mishkeeni Tarjuma Wasaail u Shia
Jild 8 Safha 142, Asool e Kaafi, Man La Yahzarul
Faqih, Altahzeeb)
Na Naasbi (Dushman e Ahlebait) ki taraf se hajj
kia jaaey aur na (uss k) hamraah kia jaaey
(Masaail u Shariya Sanad Yaafta Ayatullah Ali
Mishkeeni Tarjuma Wasaail u Shia Jild 8 Safha
142, Faroo e Kaafi Shekh Yaqoob Kuleni)
Agar koi shaks din ko roza rakhay aur raat Allah
ki ibadat men basar karay, saara maal sadqay
men de day aur tamam zindagi hajj karta rahay
lekin agr wo Imam bar haq ki maarifat nahi rakhta
taakay inn se muhabbat karay aur iss k tamam
af’aal o aamaal is ski rahnumaaee men waaqay
hon. Phir na to Wo khuda se kisi ajr o sawaab ka
haqdaar hoga aur na momin kah’laanay ka
rawaadaar hoga(Masaail u Shariya Sanad Yaafta
Ayatullah Ali Mishkeeni Tarjuma Wasaail u Shia
Jild 1 Safha 101-102 Asool e Kaafi Shekh Yaqoob
Kuleni)
Bidd’ati Logon se suhbat ikhtiyaar na karo warna
Logon ki nazron men tum inhi mein se samjhay
jaaogay aur Rasul e Khuda SAWW ne farmaya hai
k Insaan apnay dost aur hamnasheen k deen par
hota hai (Masaail u Shariya Sanad Yaafta Ayatullah
Ali Mishkeeni Tarjuma Wasaail u Shia Jild 8 Safha
359 Baab Bidd’ati Logon k paas baithna aur baat
cheet karna haraam Hadis No 1, Asool e Kaafi
Shekh Yaqoob Kuleni)
Agar koi shaks qayamat men wilayat e ahlebait k
aqeeda o nazriyay k saath Khuda ki baargaah men
na jaaey to Khuda na iss ki koi naiki qabool karay
ga aur na hi iss k kisi gunaah se dar guzar
farmaaey ga(Masaail u Shariya Sanad Yaafta
Ayatullah Ali Mishkeeni Tarjuma Wasaail u Shia
Jild 1 Safha 102 Asool e Kaafi Shekh Yaqoob
Kuleni)
Agar koi hadees kisi aaqil aadmi se haasil karo wo
tamaam dunya aur uss k sonay chaandi se behtar
hai(Masaail u Shariya Sanad Yaafta Ayatullah Ali
Mishkeeni Tarjuma Wasaail u Shia Jild 1 Safha 28)
Jis tarah Iblees ne Allah k hukm par Aadam ko
sajday se inkaar kia. Ab agar wo qayamat tak
Allah ko sajday karta rahay to ussay in sajdon ka
koi faaida nahi jab tak Wo Allah k hukam par
Aadam ko sajda na karay. Bilkul issi tarah Hzrt Ali
ka daaman chornay waali ummat ka Khuda koi
amal qabool nahi karaiga aur na hi iss ki kisi naiki
ko qabool karay ga jab tak iss raastay se Allah ki
baargaah men na aaey jis raastay se aanay ka
Khuda ne issay hukm dia hai. Aur jab tak is imam
bar haq se muhabbat na karay jis ki wilayat o
muhabbat ka iss ne hukm dia hai aur jab tak is
darwazay se na dakhil ho Jo Khuda aur Uss k
Rasul ne uss k liay khola hai (Masaail u Shariya
Sanad Yaafta Ayatullah Ali Mishkeeni Tarjuma
Wasaail u Shia Jild 1 Safha 102 Asool e Kaafi
Shekh Yaqoob Kuleni)
Likho aur apnay momin bhai men apna ilm
phailaao aur jab maro to apni aulaad ko kitaabon
ka waaris banaao kyun k logon par aik aisa doar
aaega jab ulema kam hongay aur ulema numa
jaahil zyaada hongay. Is doar men loge inhi logon
se maanoos hongay aur inhi se ilmi istefaada
karain gay (Masaail u Shariya Sanad Yaafta
Ayatullah Ali Mishkeeni Tarjuma Wasaail u Shia
Jild 1 Safha 29-30)
Agar 2 riwaayatain Ulema k nazdeek mashoor hon
aur unn k raawi bhi sachay maaloom hon to Jo
riwaayat Kitab e Khuda aur Sunnat e Mustafa
SAWW k mutabiq aur mukhaalifeen k mazhab k
mukhaalif ho uss par amal hoga. Aur agar donon
mukhaalifeen k nazriyaat k muwaafiq hon to phir
uss par amal kia jaaega jis par mukhaalifeen k
ulema o hukma ka ruj’haan kam ho. (Masaail u
Shariya Sanad Yaafta Ayatullah Ali Mishkeeni
Tarjuma Wasaail u Shia Jild 1 Safha 33 Asool e
Kaafi ,Tehzeebul Ahkaam)
Banday ko Ajr o Sawaab Us ski aqal k mutabiq
milay ga(Masaail u Shariya Sanad Yaafta Ayatullah
Ali Mishkeeni Tarjuma Wasaail u Shia Jild 1 Safha
59 Asool e Kaafi Shekh Yaqoob Kuleni)
Hajj k Moqay par Imam Jaffer Sadiq AS ne apnay
Shiyon se farmaya: Tamam Loge aam loge hen.
Ye sab jhaag hai jissay darya ki moaj ikhata kar k
laai hai. haaji to sirf tum loge ho. tumharay siwa
kisi ka koi amal qabool nahi hai (Masaail u
Shariya Sanad Yaafta Ayatullah Ali Mishkeeni
Tarjuma Wasaail u Shia Jild 1 Safha 102-103
Asool e Kaafi Shekh Yaqoob Kuleni)
Namaz, zakaat aur Wilayat e Ahlebait men se koi
aik bhi doosray k baghair na sahi hai aur na
qaabil e qabool (Masaail u Shariya Sanad Yaafta
Ayatullah Ali Mishkeeni Tarjuma Wasaail u Shia
Jild 1 Safha 47 Asool e Kaafi Shekh Yaqoob
Kuleni)
Imaan k hadood o qayyud Khuda ki waahdaaniyat,
Rasul allah SAWW ki risaalat ki gawaahi aur jo
kuch wo khuda ki taraf se Laaey hen uss ka iqraar
krna, 5 waqt namaaz,zakaat, rozay aur hajj karna.
Hamaray dost se dosti aur hamaray dushman se
dushmani karna aur sachon k saath hona hai.
(Masaail u Shariya Sanad Yaafta Ayatullah Ali
Mishkeeni Tarjuma Wasaail u Shia Jild 1 Safha 47
Asool e Kaafi Shekh Yaqoob Kuleni)
Agar koi aik hazaar saal tak Khuda ki ibadat karta
rahay aur apnay bistar par zulm o joar se dunbay
ki tarh zibaah kar dia jaaey aur hamari wilayat k
baghair Allah ki baargaah men haazir ho to Khuda
ussay naak k bal jahannum men ultaa latkaaey ga
(Masaail u Shariya Sanad Yaafta Ayatullah Ali
Mishkeeni Tarjuma Wasaail u Shia Jild 1 Safha
104 Asool e Kaafi Shekh Yaqoob Kuleni)
Imam Moosa Kazim AS ne farmaya:
Jo shaks hamaray shiyon se dushmani karta hai
wo hum se dushmani karta hai. Hamaray shia wo
hen jo namaaz parhtay hen, zakaat detay hen, hajj
kartay hen, rozay rakhtay hen aur hum ahlebait se
muhabbat kartay hen aur hamaray dushmanon se
baizaari ikhtiyaar kartay hen (Masaail u Shariya
Sanad Yaafta Ayatullah Ali Mishkeeni Tarjuma
Wasaail u Shia Jild 1 Safha 50 Hadis No 22)
har namaaz jo munkireen e ahlebait parhtay hen
uss se unn par Khuda ki rahmat ki bajaaey Laanat
naazil hoti hai kyun k ye loge hamaray haq ka
inkaar kartay hen aur hamain jhutlaatay hen
(Masaail u Shariya Sanad Yaafta Ayatullah Ali
Mishkeeni Tarjuma Wasaail u Shia Jild 1 Safha
104 Asool e Kaafi Shekh Yaqoob Kuleni)
Discover Jaunpur , Jaunpur Photo Album
Jaunpur Hindi Web , Jaunpur Azadari